१]नरेंद्र मोदी हे विकासपुरूष आहेत. त्यांना गुजरातप्रमाणे भारताचाही विकास करायचा आहे. त्यांनी गुजरातचा संपुर्ण विकास घडवून आणला असल्याचे अनेक पुरावे आहेत. अमर्त्य सेन म्हणतात की, गुजरात शिक्षण, आरोग्य, रोजगार आणि उद्योग यांच्या विकासात महाराष्ट्रापेक्षा मागे आहे. श्री.सेन हे नोबेल पुरस्कारविजेते अर्थशास्त्रज्ञ असले तरी त्यांचे हे मत मला मान्य नाही कारण ज्याअर्थी राष्ट्रगीतात गुजरात, मराठा...असा क्रम आहे, त्याअर्थी गुजरात महाराष्ट्राच्या पुढे आहे हे उघडच आहे. शिवाय मराठी आणि रोमन दोन्ही वर्णमालांमध्ये "ग"{G }आधी येतो. "म" {M } नंतर येतो.
गुजराती माणूस हा मुलत:च उद्योगी आणि व्यापारी मनोवृत्तीचा असल्याने त्यांचा आजवर विकास झाला आहे, या म्हणण्यातही दम नाही. नमोंना गुजरातच्या विकासाचे श्रेय द्यायचे नाही, या कोत्या मनोवृत्तीतून हे युक्तीवाद केले जातात. खरे तर नमोंमुळेच गुजरात कांग्रेस पक्षातही स्वातंत्र्यकाळात शिर्षस्थानी राहिलेला आहे. १९४७ साली कांग्रेसचे ५ पक्षश्रेष्ठी {गांधी. पटेल, नेहरू, आझाद, प्रसाद} होते. त्यातले म.गांधी आणि सरदार पटेल यांना नमोंचीच ट्यूशन होती हे इतिहासात नमूद करण्यात आलेले आहे.
२] भारतीय लोक हे धार्मिक वृत्तीचे आहेत. आमची अशी श्रद्धा आहे की, देव ३३ कोटी आहेत. त्यासर्वांना एकच पर्याय शोधण्याचे काम अडाणी-अंबानी इव्हेंट कंपनीकडे सोपवण्यात आले होते. सांगायला आनंद वाटतो की तो पर्याय मिळालेला आहे. "नरेंद्र मोदी" हे परमेश्वाराला पर्याय म्हणून घोषित करण्यात येत आहेत.....क्रमश:
No comments:
Post a Comment